فرقة الواحات

فرقة الواحات البحرية التلقائية نموذج للمحافظة على التراث الفنى للواحات البحرية قديماً وفيما يلى نسرد تاريخ الفرقة وبعض اغانيها

الموال

انا كنت بلوم على العشاق وانا خالى ...  ولما انكويت بالحب لنفعنى عمى ولا خالى ...... تعالى ياالى انت بلا خال وانا اعملك خالى ..... ونحط قلبى الملان على قلبك الخالى ...... ونا جبت الضمار وضمر وقال..... غزالك خدوة الاندال وخلو موطنك خالى .

ــــــــــــــــــــــــــــــ

خلينا صابرين

خلينا صابرين يا قلبى خلينا صبر ين

وكفاية دمعك ياعين على مش سالين

الله علينا والغالى ناسينا 

ما فكرش فينا وفى عشرتنا سنين

خلينا صابرين يا قلبى

اراد الله عليه ومش لاقى حنية

من حب البنية مكوى على الجنبين

خلينا صابرين

ياما سهرت الليالى علشانك يا غالى

ان ريدك تبقى حلالى ونعيشوا احنا الاثنين

خلينا صابرين يا قلبى خلينا صبر ين

وكفاية دمعك ياعين على مش سالين

مبروك افراح

قولولة مبروك افراح على الى صادف غية

قولولا عيشوا فى الراح وقيدوا شموع لبنية

قولـــولة يتجل فى جيبة يكتر من اموالة

قولولـــة العيشة زنجات ومالة يسهل حالة

قولولة مش عيب الراجل جيبة الراجل عيبة لسانة

ايه ينفــع لو تكتــــر مالة واخلاقة خربانه

قولولة ميقعدش فى وســــــط الجيرة السوء

قولولة يقدح فى غيطة ولا يوفــــر فى مروة

قولولة بيتى منصــــــان وبابى صاين حالى

قولولة يعزق فى الغيط لحـــــد الليل يا خالى

قولولة مش كل اصحابة الى يدخلهم جـــــوه

قولولة ما يحب زعيق ووقت لزوم القــــــوة

قولولة مش كل اصحابة اللى يدخلهم بيتـــــة

قولولة يعاتب بشويش ويبعد عن طنطيطـــة

يا مبروك علينا توا

يا مبروك علينا الفرح الليلة فى قلبى جوة        ****    تم ارتحت من الافكار

تمى ارتحت من التفكير عليها كيف الريح نطير  ****  ونحلم بيها ليل نهــار

ونحلم بيها صبح وليل شعرها كيف الليل طويل   **** ملوى حوليها امتــار

ملوى وعيون الغزلان الى صادت ريم الوديان    **** وبعد الليل ما فى نهار

وبعد الليل ما فى شوق معدلها ربى من فوق     ****  ربى وعالم بالاسـرار

وبعد الليل ما فى شى للى هارى جلبى وكبدى  **** ابـوها الى قاعد فى الدار

 ابوها اللى قلى ياوليدى وانا شارط وان كنت تريد **** مهر بنتى ميت قنطـار

مهر بنتى الفين جنية ودملج وشابوكة فوفين    **** وشال احمر قال زى النار

وشال احمر ونجيبة منين محوش يا دوبى ميتين **** وانا مقاطع حتى الجزار

بصيتى بعيونك

بصيتى بعيونك بصة مش قادر ننساها                          عاوز شيخ فقية يفسر ويقولى معناها

بصيتى بعيونك بصة خلتنى محتار فيها معنى بعيد قريب فيها نور ونار

خايف نجربها تكوينى ياام عيون كبان وان باعت قلت نسيبة قلبى مش صبار

حبك نار تلهب تحرق لكنى نهواها

بصيتى بعيونك بصة انا قبلك لفيت كتير وياما ريت وياما لكن قلبى ما صادوة وما رجوش غراما

 لما ريت سهام عيونك صابتنى دواما حايد داسمة فى التفكير وعقلى زاد اوهام

 حاطت سرى جوا بير وما بنلوش علامه

صاين حبك والغية هوا قلبى وعنية                      يا غالى عليه وادى للروح دواها

بصيتى بعيونك بصة

ياحلوة مش قادر ننسى محلا بصة عينك

عايش ليل نهار نفكر بالى بينى وبينك ونطلب من مولاى يطيعك لى ويبنلك

ياغالى رق شوية خلى عندك حنية                       بدمعاتى نصون العنية ونبع الروح دواها

بصيتى ويشوفى احلا ليام ودى ليام قصيرة

يلا نشرب كاس الحب ونتهنوا بالجيرة                   راه الحب الى صادق دام ياام عيون كبيرة

يامحلا لفت عودك والورد الى فى خدودك               مرسومه سبحانه الله ورقبتكى حلاها

********

* عدى عدى عدى متخافيش تعالى ياحلوة انا صاين ودى

خلى موج البحر يهدى وحطى مرساكى على المينا حتى مرساكى ريسنا

انتى ياما عذبتينا فى يوم نلا تلاجينا نبهت جوا عينيكى والبصة نبحرها

بصيتى بعيونك بصة مش قادر ننساها

عاوز شيخ فقية يفسر ويقلى معناها***

سمح الطله

بسمح الطلة مرحبتين عليك خايف من العين اسم الله مرحبيتن

مرحبتين بفرحة قلبى الى منور بشموعة دربى

حتى ان كان غلاه منحبى عيونى بالسر تبوحلا مرحبتين

مرحبتين يابباهى زولا ابو مشية زينا ومعدولة والمشية خالت عن طولا مركب فوق الموج تعلا مرحبتين

مرحبتين بزهوا الخاطر يامرحب بالورد العاطر

علشان فى الحب نخاطر ونعدى بحور ونوصلا مرحبتين

افرح يا قلبى

              افرح يا قلبى اليوم جطيع           ****       بلح غيطى بايدى نجنية

فقير ومحتاج بندية                 ****       خير ربى هو اللى حامية

صيف وشتا وخريف وربيع         ****        خير ربى هوة ادانى

صعيدى وفريحى وسلطانى        ****       والجاجع منه ادانى

منه ناشف وبلح طرصيع           ****       افرح يا قلبى اليوم جطيع

نعلف داباتى                       ****       ناكل منه ونعلف داباتى

وساترنى فى ايام زنقاتى            ****       فى فرحى وحتى فى مماتى

عشر ربى فى يوم ما نبيع         ****       افرح ياقلبى

من النخلة ما نرمى حاجة           ****       كل اللى فيها نحتاجة

تدينى ما تطلب حاجة               ****       اللا دكرها وقت التطليع

افرح ياقلبى                        ****       زعف نعمل منه ملقم وقفاف

ولخبيزى ناخد الكرناف             ****       اللى يسمع غير اللى شاف

والليفة ساعة الترقيع                ****       افرح يا قلبى اليوم جطيع

موال يا نخل عالى

يا نخل عالى والبلح فوقك ...

 ما حــــد قـــادر ...

يجيبك من كتــر شوكك ...

بكرة وبعدة ياخد البلح من فقوقك...

وتبقى حطب لوح لا تحتك ولا فوقك ....

ـــــــــــــــــــــــــــــــــ

تلاقينا بين الغيطان

بين الغيطان تلاقينا

بين الغيطان فرح قلبى بملقى الحبان

بين الزهور اللى تفوح بنتها عطور

ياحبيبى نور على نور

الخضرة مع الميه وحنان

بين الغيطان

تحت الحمرايا وقعدنا تحت الحمرايا

كلمة فى حدوتة وسهرايا

نستنى حتى اللى ورايا

كلام يطفى نار الحران

تلاقينا بين الغيطان

ليلة فى بالى  يوم تلاقينا فى بالغالى

كنا واحدنا ما معانا والى

غير البلبل فوق الاغصان

بين الغيطان

صار المكتوب تلاقينا انا والمحبوب

فى الحلال ما فيها زنوب

اللى ساعتها كان اللى كان

نلاقينا بين الغيطان

واعر يا عين

واعر يا عين البعد جفا واعر ياعين

واعر ياعين على اللى كانو غاليين

واعر ياعين

واعر ويضر على العاشق يسقية المر

يقعد طول الليل يفكر

يقول راحت نلحقها فين

واعر يا اخواتى سبت اهلى وطلقت مراتى

نقعد طول الليل نهاتى نقول عدت ونجبها منين

واعر ياعين

البعد جفا واللى راحت فى بلاد بعيد

العين عشقت والقلب يريد صباحك يا ضاوى الخدين

واعر ياعين

صباحك يا ابو خد نظيف حلو طبعك والدم خفيف

شغل بالى كيف طلب الدين

شغل بالى كيف طلب الديان

اما عنيها فى الكحل كبار والرقبة متقاسة شبرين

شبرين وكسور اللى قتلنى ضى الغندور

على ام شعر نازل مضفور

على صدرها نازل خطين

واعر ياعين مقسوم يانارى بعد ما كان ملكى وجدارى

فارقنى البين بعشر سنين

واعر ياعين البعد جفا

اصفر ليمونى

يا ابو توب اصفر ليمونى

اصفر ليمونى تشوف عيونى

نطوطح تحلف لزونى

على ابو توب اصفر يرهج

ان غاب عنى نا عقلى يوج

يطير يهج تقول اربع عفاريت مسكونى

اصفر ليمونى

على ابو توب حرير قصب

خايف يا يقولوا يجدب

عيون عجب خضرة والننى زيتونى

اصفر ليمونى

ابيض يا لولى مرصوص

جوة الفم فصوص فصوص

اللى ما تتحكلة منحوس

يتمرمغ ويقول غيتونى

اصفر ليمونى  

الواحات البحرية بين عادات وتقاليد الماضى والحاضر

تعد الواحات البحرية من المناطق المحافظة نوعاً ما على عاداتها وتقاليدها القديمة باستثناء تغير فى بعض هذه التقاليد والسبب الرئيسى لهذا التغير متغيرات العصور التى نعيشها ودخول التلفاز والانترنت والدش لهذه المناطق التى تعيش من الاساس على الفطرة الحسنه الجميلة وفيما يلى نسرد بعض هذه التقاليد التى لم تتغير منذ زمن بعيد جداً ونسرد ايضاً التقاليد والعادات التى تغيرت بمرور الزمن :-
العادات القديمة الجميلة والحسنه بالواحات البحرية وتتمثل فى الاتى
اولاً عادات الافراح وقد سبق سردها ونمر عليها حيث كانت نقام الافراح فى الواحات البحرية مدة سبع ايام متتالية ياكل الناس ويشربون عند اهالى العروسين وتقلصت بعد ذلك لتصبح ثلاث ايام ثم تقلصت لتصبح يوماً واحداً يتم دعوة اهالى الواحات البحرية لتناول وجبة الغداء او العشاء وفى المساء يتم زفاف العروسة فى حين ان الزفاف كان يتم فى الماضى وقت الظهر اى بعد صلاه الظهر ثم تأخر هذا الوقت الى بعد صلاه العصر حتى استقر هذه الايام بعد الحادية عشر مساءً فى الماضى كان المزمار البلدى والطبلة والاغانى الواحية الاصيلة هى السائدة ولكن الان ادخل الدى جى والكمبيوتر فذهب المذاق الخاص لهذه الافراح ادراج الرياح وذهب ذاك الطابع الواحاتى الصحراوى الاصيل فى الماضى كانت العروس تزف على عريسها بان يحملها خالها من منزل ابيها حتى منزل زوجها والان تزف فى سيارات ال4×4 كانت العروس فى الماضى لا تلبس سوء فستان الزفاف الحرير وعليه الطرحة وبعدها فستنان الزفاف الابيض وعليه الطرحة المكشوفة والكاشفة للوجة والان الفستان الابيض والطرحة اللف وغطاء الوجة ( نقاب ابيض ) كان لباس العريس الجلابية فى الماضى والتلفيحة البيضاء واحياناً الصديرى وتطور مع تطور العصور ليصبح القميص والبذلة والكرافت كان اهل العروسة فى الماضى لا يفارقون بيت العريس حتى يتم اخذ منديل العروسة لبيان انها شريفة عفيفة بكر واصبح هذا الامر الان يخص العريس والعروسة وحدهما وان كان لابد لاهل العروسين السؤال عن هذا الامر من باب الفضول كان العريس والعروسة فى الزمن الجميل يعيشون فى حجرة فى منزل العائلة ولا يشترط فيها سوء ان تكون موسسة باى شئ سواء ان لها باب يغلق على العروسين وبها فرشة او سرير او دولاب او حتى شنطة حديد كبيرة لوضع الثياب فيها ولكن الان لابد من ان تكون للعريس شقتة المستقلة عن اسرتة ومجهزة بحجرة النوم كانت العروسة فى الماضى لا يأخذ الى العريس سوء شنطة الملابس الخاصة بها والعريس يعيش مع والدية لكن الان لابد من ان تجهز العروسة شقة العريس من كل شئ عدا حجرة النوم بمعنى تجهيز المطبخ وحجرة الجلوس والصالون والستائر والسجاد والادوات الكهربائية هكذا كان الافراح والزواج بين القديم والحديث عاده الافراح تقام فى العادة بعد جمع محصول البلح وبيعة
عادات الاحزان والموت والدفن والمأتم :-
كانت عادات الحزن والموت بالواحات البحرية صعبة فكان عن حدوث مصيبة الموت لاحد الجيران فى الواحات البحرية يستمر الحزن مخيم على اهل هذا الشارع لمدة على تقل عن العام وبعد هذا العام اذا اراد احد ان يعلن عن فرح لابنه او بنته يستأذن اهل الميت اذا حدثت وفاه عند احد يقوم الجيران باطعام اهل الميت مدة سبع ايام كان ذلك فى الماضى وبعد ذلك تقلصت الى ثلاث ايام للرجال والنساء ثم فى هذه الايام يوم واحد فقط كان قديماً يبنى القبر بارتفاع حوالى نصف متر او متر الا ربع ويوضع شواهد على القبر بحيث يكون الرجل شاهدين والمرأه ثلاث شواهد والطفلة شاهد والطفل شاهدين وتطور هذا الامر مع معرفة الناس اكثر بالدين باصبح القبر ياخذ شكل مستطيل عرضة متر وطولة مترين للرجل يفصل من المنتصف كل متر مربع لوحدة وللمراه المترين على بعض كل اهالى الواحات تقريباً يخرجون لتشييع جسمان الميت وهذه العادة الحسنه موجودة لوقتنا هذا ومن لم يخرج يذهب للتشييع يذهب للبيت لمواساه اهل الميت